Петр Макаров: «Дойдубут салалтатын сүрүн соруга – эйэлээх олоҕу тутуу!»
Арассыыйа уонна Украина сыһыаннаһыыларыгар биир дойдулаахтарбыт санааларын этэллэр, биир санаанан салайтаран түмсүөҕүҥ дииллэр.
Былатыан Ойуунускай аатынан Саха академическай драматическай тыйаатырын дириэктэрэ Петр Макаров Саха тыйаатырын сүгүрүйээччилэргэ, бар дьоҥҥо туhаайан санаатын тиэртэ уонна гуманитарнай көмө аахсыйатын өйүүргэ ыҥырда.
– Урут уруккуттан Арассыыйа элбэх норуоттары сомоҕолуур Ийэ сирбит буолар. Дойдубут күүhэ, сайдар саҕахтара кини эрэгийиэннэрэ бигэ туруктаах буолалларыттан тутулуктаах. Ол иhин Арассыыйа судаарыстыбаннай бэлиитикэтэ эйэлээх, куттала суох олоҕу сүрүннүүр соруктаах.
Биһиги дойдубут аҕа баhылыга Владимир Путин Донецкай уонна Луганскай өрөспүүбүлүкэлэр тутулуга суох буолууларын билинэр туhунан быhаарыытын толору өйүүбүт уонна сөптөөҕүнэн ааҕабыт. Маннык түгэҥҥэ салалтабыт тула түмсэн, сомоҕолоhуубутун уонна Ийэ дойдубутугар эрэлбитин көрдөрүөх тустаахпыт.
Саха тыйаатырын кэлэктиибэ уустук кэмҥэ көмөҕө эрэнэн кэлбит дьону өйүүр гуманитарнай сыаллаах аахсыйаҕа кыттыhарын биллэрэн туран, култуура тэрилтэлэрин, ускуустуба диэйэтэллэрин туора туран хаалбакка дьаhалга кыттыhаргытыгар ыҥырабын. Биир дойдулаахтарбытыгар холобур буолуоххайыҥ!
Александр Тарасов, «Саха сирэ» хаһыат, edersaas.ru