Петр Гоголев: «Кэнэҕэс да кэмнэргэ үтүө үгэспит, тылбыт-өспүт, хомоҕой хоһооммут, ылб...
Олох-дьаһах

Петр Гоголев: «Кэнэҕэс да кэмнэргэ үтүө үгэспит, тылбыт-өспүт, хомоҕой хоһооммут, ылбаҕай ырыабыт саханы саха дэтэ турдун»

Күндү сахам дьоно!

Самаан сайын сатыылаабыт кэмигэр, Үрдүк Айыылары кытта алтыһар үтүө күммүт үүннэ. Арҕаһыттан тэһииннээх айыы хаан аймаҕа, көхсүттэн тэһииннээх күн улууһун дьоно буоларбыт быһыытынан аламай маҥан күнтэн күүс ылар, Аар Айылҕабытыгар сүгүрүйэр кэрэ кэммит тиийэн кэллэ.

Саха дьоно түҥ былыргы үгэспитин, ырыабытын-то­йукпутун, Олоҥхобутун сатабыллаахтык өрө туттубут. Аныгы үйэҕэ аан дойду барыта глобализация хаатыгар хааллан олордоҕуна, Сахабыт сирин Аал луук мас курдук баай култуурата ойуччу турар. Ол да иһин даҕаны ыҥырыылаах ыалдьыттарбыт олус ымсыыраллар, Ыһыахпытын аар саарга аатырдаллар.

Айар куттаах ыччаппыт экономика саҥа саҕахтарын баһылаан, киэҥ аартыкка таҕыста. Ол сайдыыбыт төрдө-төбөтө, силиһэ-мутуга Ыһыахпытыгар, Олоҥ­хобутугар, Оһуокайбытыгар, Хомуспутугар, Тойукпутугар баар. Кэнэҕэс да кэмнэргэ үтүө үгэспит, тылбыт-өспүт, хомоҕой хоһооммут, ылбаҕай ырыабыт саханы саха дэтэ турдун.

Ытыктабыллаах Саха сирин олохтоохторо!

Үрүҥ Тунах ыһыаҕынан Саха Өрөспүүбүлүкэтин Ил Түмэнин уонна тус бэйэм ааппыттан ис сүрэхтэн эҕэрдэлиибин! Айыыһыккыт аргыстастын, Иэйиэхсиккит эҥээрдэстин! Чөл куттаах, доруобай буолуҥ!

Саха Өрөспүүбүлүкэтин

Ил Түмэнин Бэрэссэдээтэлэ

Петр Васильевич Гоголев

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

два × пять =