Петр Черкашин: «Быйыл Саха сирэ быыбарга көхтөөҕүн көрдөрүө дии саныыбын»

Дьокуускай куоракка баар 736-с №-дээх быыбардыыр учаастакка Госдуума дьокутаатыгар хандьыдаат Петр Черкашин бэйэтин куолаһын биэрдэ. 

«Мин элбэҕи толкуйдаан көрөр гражданин буоларым быһыытынан быыбар куоластааһыныгар куруук кыттабын. Доҕотторбун кытта кэллим. Учаастакка туох баар санитарнай миэрэлэр тутуһуллалларын бэлиэтээтим. Быйыл Саха сирэ быыбарга көхтөөҕүн көрдөрүө дии саныыбын. Куоластааһын саҕаламмытынан өрөспүүбүлүкэ олохтоохторун эҕэрдэлиибин», — диэн Петр этэр.

Саха сиринээҕи киин быыбардыыр кэмитиэт дааннайдарынан, уустук суоллаах-иистээх сирдэргэ болдьоҕун иннинэ 25 оройуоҥҥа 5 703 киһи куоластаабыт.

Бүгүҥҥү күҥҥэ өрөспүүбүлүкэ үрдүнэн 822 быыбардыыр учаастак арылынна, ол иһигэр 28-һа — быстах кэмнээх учаастак.