Петр Черемкин: саҥа сокуон тула санаалар

Ааптар: 
Бөлөххө киир:

Госдуумаҕа бу күннэргэ ырытыллар “Олохтоох бэйэни салайыныыны тэрийии” сокуон бырайыага туох уларыйыылары аҕаларын туһунан өрөспүүбүлүкэ муниципальнай тэриллиилэрин Сэбиэтин толорооччу дириэктэрэ Петр Черемкин бэйэтин санаатын  үллэһиннэ:

Бэрт интэриэһинэй сокуон бырайыага көрүллэн эрэр. Бу иннинэ №87 нүөмэрдээх Федеральнай сокуон ылыллыбыта, олохтоох бэйэни салайыныы туһунан сүрүн Федеральнай сокуоҥҥа (ФЗ «Об общих принципах организации местного самоуправления в Российской Федерации») уларытыылары киллэрии туһунан. Оттон бу Госдуумаҕа 2021 сыл ахсынньы 16 күнүгэр көрүллүүгэ киирбит сокуон бырайыага сокуон уларыйар өрүтүн ымпыгар-чымпыгар тиийэ арыйар. Холобур, уларытыы этэринэн, сэлиэнньэлэргэ бэйэ баһылыктара суох буолаллар, бырабыыталыстыба көнө салалтата күүһүрэр. Кини структурнай салаалара 36 муниципальнай уокуруктары кытта үлэлиир буолуоҕа, атын нэһилиэк администрациялара суох буолаллар, талыллар баһылыктар оннуларыгар атын салайар уорганнар үөскүөхтээхтэр. Биһиги нэһилиэктэргэ территорияны салайар уорганнар тэриллэллэрэ сөп буолуо дии саныыбыт. Саҥа уорган хайдах быһылаахтык ааттанарын Ил Түмэн быһаарыахтаах. Бу бырайыак этэринэн, муниципальнай уокуруктары салайыы сүрүннээн, ордук табыгастаах буолуоҕа. Мин санаабар, сокуон бырайыага үлэҕэ киирдэҕинэ олохтоох экэниэмикэлэр тупсар кыахтаахтар, тоҕо диэтэххэ, территориялар бэйэни салайыныы уорганнара федеральнай уонна эрэгийиэн биллэрэр күрэхтэһиилэригэр быһалыы кыттар бырааптаныахтара, ол иһигэр олохтоох көҕүлээһиннэри өйүүр, тыа сирин сайыннарыы бырайыактарга. Бу күрэххэ кыттыыга кинилэр бырааптара сарбыллыа суохтаах.

Нэһилиэк, улуус дьокутааттара, олохтоох муниципальнай тэриллиилэр баһылыктара, бу бырайыагы ырыта олороллор. Биһиги, ааспыт сыл ахсынньы 17 күнүгэр сокуон бырайыагын тутаат даҕаны 445 олохтоох баһылыктарга ыыппыппыт. Бу бырайыак өссө өр кэм устата сыыйа киириэхтээх. Уларыйыы киирэр болдьоҕунан 2028 сыл тохсунньу 1 күнэ анаммыт.

«Саха сирэ» хаһыат, edersaas.ru

Хаартыска ЯСИА

+1
0
+1
0
+1
0
+1
0
+1
0
+1
0
+1
0