Петербург тэрилтэлэрэ Арктиканы баһылааһыҥҥа көмөлөһүөхтэрэ

Ааптар: 
Бөлөххө киир:

Петербург Саха сиригэр уонна Ямало-Ненецкэй АУо-ка Арктиканы чинчийиигэ тэриллэри биэриэҕэ. Петербург тэрилтэлэрэ  Арктиканы баһылааһыҥҥа көмөлөһүөхтэрэ.

Петербурга тэрилтэлэр дуогабар быһыытынан Арктика шельфэтин баһылааһыҥҥа анал тэриллэри (оборудование) тиэрдиини олоххо киллэриини саҕалаатылар. Саха сирэ уонна ЯНАУо көһө сылдьар лабораториялары, анал тиэхиньикэни уо.д.а. ылыахтара. Бу туһунан Смольнай пресс-сулууспатыгар эттилэр, диэн “Невские новости” иһитиннэрэр.

Петербурга “Экспедиционный корпус”   хампаанньатыгар оҥоһуллубут көһө сылдьар лабораторияны “Газпром Недра” ХЭТ ылыаҕа, маны геофизическэй чинчийиилэргэ туһаныахтара.

Оттон Обуховскайдааҕы собуот билигин Саха сирин тырааныспарын-логистикатын тиһигин оҥоруунан дьарыктанар. Бу тиһик Арктика усулуобуйатыгар ыксаллаах быһыыны-майгыны туоратыыга көмөлөһүөҕэ. Манна көһө сылдьар лабораториялар, анал массыыналар уонна наадалаах оборудование туһаныллыаҕа.

Бородууксуйаны Уһук Хоту 2023 сылга тиэрдиэхтэрэ.

Сахагов саайтан

Бэлэмнээтэ Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0