Сүрүн Уопсастыба

Перинатальнай киин 10 бастыҥ иһигэр киирдэ

Өрөспүүбүлүкэтээҕи килиниичэскэй балыыһа Перинатальнай киинэ Арассыыйа 10 бастыҥнарын иһигэр киирдэ. Ол туһунан Сочига буолбут «Репродуктивный потенциал России: версии и контраверсии» сэминээргэ эттилэр.

edersaas.ru

Перинатальнай киин кылаабынай бырааһын солбуйааччы Данара Донская төлөпүөнүнэн иһитиннэрбитинэн, Арассыыйа Перинатальнай кииннэригэр алтыс сылын маннык тэрээһин ыытыллар.

Дьокуускайга Перинатальнай киин 2018 сыллаахха аһыллыбыта, Саха сирин дэлэгээссийэтэ бу сыл сэминээргэ бастакытын кыттыбыта.

2019 сыллааҕы отчуоппут түмүгүнэн, дойду 55 Перинатальнай кииннэриттэн 10 бастыҥ иһигэр киирбиппититтэн олус үөрэбит! Отчуот дааннайдарын олус кичэллээхтик бэрэбиэркэлииллэр. Төһө дьахтар төрөөбүтэ, хас эпэрээссийэ оҥоһуллубута, оҕо өлүүтэ – барыта учуоттанар, — диэн Данара Донская кэпсээтэ.

Быйылгы сэминээргэ тыһыынчанан акушер-гинекологтар кытыннылар. Сорохтор интэриниэт көмөтүнэн кыттар кыахтаннылар. Сэминээргэ Перинатальнай киин отделениетын сэбиэдиссэйэ Людмила Шек ыарахан дьахталларга “ветрянканы” уонна коронавируһу утары үлэлэрин уопутун туһунан дакылаат аахпытын, кэлиэгэлэрэ сэҥээрдилэр диэн Доруобуйа харыстабылын министиэристибэтин пресс-сулууспата иһитиннэрэр.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram Whatsapp

Добавить комментарий