Педиатр быраас оҕону коронавирустан харыстыыр ньымалар туһунан кэпсээтэ
Дьиэ иһигэр уонна таһырдьа оҕону коронавирустан харыстыыр миэрэлэр туһунан педиатрия уонна оҕо хирургиятын кафедратын бырапыассара, медицинскэй наука доктора Татьяна Дмитриева кэпсээтэ.
edersaas.ru
Каникул кэмигэр
— Оҕолор таһырдьа тахсаллар бопсор сыыһа, дьиэ иһигэр, салгын эргийбэт бүтэй сирдэргэ коронавируһунан сутуллуу быдан үрдүк. Биир ытырдыыттан тарҕаммыт аэрозоль икки чаас кэриҥэ сутуйар кыаҕын сүтэрбэт. Онон оҕо дьиэҕэ олоруохтааҕар таһырдьа күүлэйдиирэ үчүгэй. Үс саастан кыра саастаах оҕолор маасканы кэтэллэрэ ирдэммэт.
Кыра оҕо коронавируһунан хайдах ыалдьарый?
— Оҕолор COVID-19 ыарыынан сибикитэ суох ыалдьаллар, тас көрүҥүнэн дьаҥҥа ылларбытын быһаарар уустук. Онон Татьяна Дмитриева оҕолоох дьону элбэх киһи мустар сиригэр сылдьартан туттуналларыгар ыҥырар. Оҕо төһөнөн кыра саастаах да, оччонон ыарыы сыстара дөбөҥ соҕус.
— Уон саастарын ааспыт оҕолор (подростоктар) син улахан дьон курдук ыараханнык ыалдьар кутталлаахтар.
— Оҕо ыарыыны чэпчэкитик уйунар буоллаҕына үтүөрэрэ кэмэ 7-10 хонук. Ити кэмҥэ оҕо дьиэтиттэн тахсыа суохтаах. Ыараханнык ыарыйдаҕына специалист кэтэбилэ ирдэнэр.
Иммунитет бөҕөргөтүү туһунан
— Доруобай оҕо иммунитетын көтөҕөр сыалтан тугу эрэ оҥорор ирдэммэт. Ол эрэн научнай литератураҕа D битэмиин итэҕэһэ эти-сиини коронавируска бэринимтиэ оҥорор диэн суруйан эрэллэр. Онон бу битэмиин оҕоҕо тиийбэт буоллаҕына эбии профилактика курдук биэриэххэ сөп диир — педиатр быраас.
Хаартыска http://keskil14.ru
«Саха сирэ» хаһыат, edersaas.ru