РФ Үөрэҕириигэ министиэристибэтэ үөрэнээччилэри, педагогтары салгыы тиэхиньикэнэн хааччыйар
Дойду үрдүнэн 138 тыһыынчаттан тахса кыаммат ыал уонна 14 тыһыынчаттан тахса педагог ыраахтан олорон (дистанционно) үөрэнэригэр, үлэлииригэр анаан тиэхиньикэнэн хааччылынна.
Ол иһигэр РФ Үөрэҕириигэ министиэристибэтэ Стратегическай көҕүлээһин агентствотын, “Биир ньыгыл Арассыыйа” баартыйа, эрэгийиэннээҕи былаас өйөбүлүнэн “Помоги учиться дома” бырайыагын иитинэн ыллылар. Бырайыак сыала – ыраахтан олорон үөрэнэригэр, үөрэтэригэр кыаҕа суох дьоҥҥо планшеты, көмпүүтэри эбэтэр смартфону тиэрдии буолар.
Үөрэнэригэр тиэхиньикэни ылбыт 138 103 оҕоттон 89 541 оҕо тыа сиригэр олорор, 48 562 – куоракка, 14 924 педагогтан 6418 учуутал куоракка, 8506 – дэриэбинэҕэ.
Кэтээн көрүү көрдөрөрүнэн, күн бүгүн Владимирскай уонна Московскай уобаластарга, Севастопольга, Ямало-Ненецкай автономнай уокурукка бары тэрилинэн хааччыллыннылар.
“Домашний час” бырайыак кэмигэр уонна министиэристибэ “суһал линия” төлөпүөнүгэр быһа сибээскэ тахсан, төрөппүттэр оҕолорбут үөрэнэллэригэр тиэхиньикэнэн хааччыйыҥ диэн көрдөспүттэригэр, тута бииргэ үлэлэһэр дьону булан үлэни тэрийбиппит. Биһигини өйөөбүт дьоҥҥо, тэрилтэлэргэ, ону тэҥэ миэстэтигэр үлэлэспит салайар уорганнарга махтанабыт. Оҕолор үөрэнэллэригэр тиэхиньиичэскэй усулуобуйаны хааччыйыы улахан сорук, ону биһиги бары түмсэн толоро сылдьабыт”, — диэн Сергей Кравцов бэлиэтээтэ.
РФ Үөрэҕириигэ министиэристибэтин пресс-сулууспата.