Үөрэх уонна наука

Педагогтар өрөспүүбүлүкэтээҕи дьаарбаҥкаларыгар ыҥырабыт

СӨ Үөрэҕин уонна билимин министиэристибэтэ М.К. Аммосов аатынан Хотугулуу-Илиҥҥи федеральнай университеты кытта үрдүк үөрэҕи бүтэрбиттэргэ уонна педагог исписээлинэһигэр үөрэнэр дьоҥҥо анаан, муус устар 14 күнүгэр өрөспүүбүлүкэтээҕи дьаарбаҥканы тэрийэр.

edersaas.ru

Тэрээһин, 2022-2023 үөрэх дьылыгар өрөспүүбүлүкэ үөрэҕин тэрилтэлэрин педагогтарынан хааччыйарга көмөлөһөр соруктаах ыытыллар.

Дьаарбаҥка М.К. Аммосов аатынан ХИФУ “Сэргэлээх уоттара” култуура киинигэр 10:00 — 15:00 чааска диэри олоҕурбут көрүҥүнэн (очно), үөрэх управлениетын каадырга сулууспатын исписэлиистэрэ уонна 31 улуустан, куораттан үлэ биэрээччилэр кыттыылаах буолуоҕа.

Үөрэҕи бүтэрбиттэргэ уонна педагог исписээлинэһигэр үөрэнээччилэргэ 937 үлэ миэстэтин билиһиннэриэхтэрэ, ол иһигэр 785 – оскуолаҕа, 100 – оҕо саадыгар, 52 – эбии үөрэхтээһин тэрилтэлэригэр.

Дьаарбаҥкаҕа кэлэн көхтөөхтүк кыттаргытыгар ыҥырабыт!

 

СӨ Үөрэҕин уонна билимин саайтыттан.

0
0
Telegram @edersaas20