Бэрээдэк Уопсастыба

Педагог холуобунай дьыалата борокуруорга төттөрү бэрилиннэ

Бэҕэһээ, сэтинньи 24 күнүгэр,  Бүлүү улууһун Өкүндүтээҕи оскуола-интэринээт  педагога Николай Сивцев холуобунай дьыалатыгар  суут буолла. 

Бүлүү улууһунааҕы суут судьуйата  кэккэ  кэһиилэр баалларын туоратар инниттэн   холуобунай  дьыаланы  борокуруорга төттөрү биэрэргэ быһаарыныы ылынна.

Санатар буоллахха, Николай Сивцев быйыл олунньу 19 күнүгэр РФ Холуобунай дьыалатын 132-с ыстатыйатын «б» пуунунан буруйга тардыллыбыта. 20 сыл ыстаастаах педагог  содур быһыыны оҥорууга  буруйданар.  Кинини буруйга тардыыга маннык хабааннаах түгэн  баар. Олунньу 19 күнүгэр  интэринээт-оскуола   С.  уонна  Э. үөрэнээччилэрэ күрээбиттэр, аара суолтан массыына тутан Бүлүү куоракка тиийбиттэр. Ол тиийэн  массыынаны уорбуттар.  Ол сылдьан, суоллааҕы кафеҕа интэринээт-оскуола  иитээччитин  көмөлөһөөччүтүн көрсүбүттэр.

Саастарын ситэ иликтэр дьыалаларын көрөр хамыыһыйаҕа  С. диэн кадет массыынаны  уорбут төрүөттэринэн  оскуолаттан куоппуттарын этэн туран,  педагог Сивцев кинилэри “тыытарын” туһунан иһитиннэрбит. Ити кэнниттэн тустаах педагогка  холуобунай дьыала тэриллибит.

edersaas.ru

 

 

 

0
0