Алдан улууһун Хатыыстыыр нэһилиэгин “Киэҥ үрэх” диэн төрүт олохтоох аҕыйах ахсааннаах хотугу омуктар общиналара сыспай сиэллээҕи ууһатарга ылсаары, Мэҥэ Хаҥалас улууһун Павловскайыттан аҕыс убаһаны атыыласпыта. Община бэрэстэбиитэллэрэ суол тураатын кытары убаһаларын массыынанан илдьэ барбыттара. Убаһалар ахсыан сэттэ-аҕыс ыйдаахтар, ыраах айаны тулуйан, Хатыыстыырга этэҥҥэ тиийдилэр, олохтоох бэтэринээрдэр Т.А.Иванова уонна В.И.Иванов көрүүлэринэн, билигин харантыыҥҥа тураллар. Харантыын бүттэҕинэ, саҥа хаһаайыттарыгар туттарыллыахтара диэн Бэтэринээрийэ департамена иһитиннэрэр.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1