Нам улууһун «Воин» байыаннай дьайыылар бэтэрээннэрин уопсастыбаннай тэриллиитин кыттыылааҕа Павел Оконешников РФ Бэрэсидьиэнэ Владимир Путин быһаарыныытын өйүүрүн иһитиннэрдэ:
— Маннык уустук быһаарыныыны ылыммытыгар бэрэсидьиэммитин Владимир Путины өйүүбүн, тоҕо диэтэххэ Донецкайга уонна Луганскайга ахсыс сылын буола турар националистическай хабааннаах быһыы-майгы, тэриллиилэр олохтоох нэһилиэнньэни аймыыллар.
Маны сэргэ Павел Оконешников Арассыыйаны арҕааҥҥы дойдулар агрессор оҥоро сатыылларын этэр: «Олимпиаданы да ылан көрдөххө, араас санкцияны киллэрдилэр. Америка бэйэтин бэлиитикэтин киэҥник тарҕатар. Билигин аан дойду үрдүнэн үс улахан держава баар: Кытай, АХШ уонна Арассыыйа. Онуоха АХШ соҕотоҕун баһылыы сатыыр.»
«РФ сэбилэниилээх күүстэрэ дойдуну, ЛНР уонна ДНР олохтоохторун Украина агрессиятыттан харыстаары дьайыылары оҥороллор. Билигин тэскилээччилэри өйүөххэ, көмөлөһүөххэ наада», — диэн кини эбэн эттэ.