Балаҕан ыйын 28-30 күннэригэр Хаҥалас Өктөм нэһилиэгэр оскуола оҕолоругар уонна ыччакка аналлаах 4-с республикатааҕы патриотическай слет буолаары турар. Ыччат сылыгар итиэннэ «Аляска-Сибирь» трасса 75 сылын туолуутугар ананар тэрээһини Ыччат дьыалатыгар уонна дьиэ кэргэн политкатын министиэристибэтэ иилээн-саҕалаан ыытар. Хамаандалар «Юнармия» уонна «Эдэр быыһаччы» диэн икки хайысханан кытталлар. Бырагыраамаҕа эстафета, тактическай ытыы, үөрэтии, пейнтбол турнира, квест оонньуу киирдэ. Слетка Саха сирин араас муннугуттан барыта 130 кыттааччы кэлиэхтээх.
Афанасий Владимиров, Ыччат дьыалатын уонна дьиэ-кэргэн политкатын миниистирэ:
— Патриотический иитии сүрүн сыала-соруга — биһиги ыччаппыт бигэ туруктаах, ийэ дойдуну көмүскүүргэ бэлэм буолуохтаах. Слету сыл аайы ыытабыт, партриотическэй кулууптар мустан күрэхтэһэн, билии-көрүү өттүнэн сайдан бараллар. Билигин Россия үрдүнэн «Юнармия» диэн хамсааһын олус тэнийэн эрэр. Онтон биһиги хаалсыбаппыт, билигини 11 улууска баар эбит буоллаҕына, инникитин Саха сирин барытын хабыахтаахпыт. Онон биһиги слеппутугар патриотчисекай иитини ыытар үлэһиттэр кэлэннэр, күрэхтэһэн, үлэлэрин сайыннаралларыгар тоҕоостоох буолуоҕа.
Патриотическай слет пресс-сулууспата, edersaas.ru