Бэс ыйын 16 күнүгэр СӨ Тырааныспарын уонна суол хаһаайыстыбатын миниистирэ Владимир Сивцев быһа эпииргэ тахсан, ыйытыыларга хоруйдаата.
Edersaas.ru
Үгүс дьону паромнар сырыылара долгутар. Миниистир бу туһунан маннык хоруйдаата:
— Дьокуускай-Аллараа Бэстээх хайысхатынан билиҥҥитэ 9 паром үлэлиир. 16 паромҥа диэри ахсааннарын элбэтиэхпитин сөп. Билигин бу 7 паром хаһаайынын кытта докумуоннарга үлэлэһэ сылдьабыт, бары ирдэбиллэри тутуһалларын курдук. Паром тохтуур сирин оҥоруохтаахтар, өрүһүнэн айан схематын бэлэмниэхтээхтэр, о.д.а.
Онон паромунан туорааһыҥҥа элбэх киһи мустубакка, туох баар харыстанар, санитарнай нуормалары тутуһан сылдьалларын ситиһиэхпит. Билигин паромунан пассажирдары таһыы бобуллан турар, оттон дьон бэйэлэрин наадаларынан сылдьыахтарын сөп. Бэс ыйын 21 күнүттэн, эпидемиологическай балаһыанньаны көрөн, суһал ыстаап быһаарыытын күүтэбит.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.