Паромнар ыам ыйын 25 күнүттэн сылдьыахтара

Бөлөххө киир:

СӨ Тырааныспарын уонна суол хаһаайыстыбатын министиэристибэтин пресс-сулууспата иһитиннэрбитинэн, Дьокуускай — Аллараа Бэстээх хайысхатынан  навигация ыам ыйын 25 күнүттэн саҕаланыахтаах.

edersaas.ru

Дьокуускай — Аллараа Бэстээх хайысхатынан быйылгы навигацияҕа 11 паром сылдьыахтаах.   Онтон Хаҥалас — Суотту хайысхатынан икки уонна Мохсоҕоллоохтон Хачыкаакка диэри — биэс паром.

Сайтпытыгар урут суруйан аһарбыппыт курдук, тарыыптар былырыыҥҥы туругунан хааллылар.

Дьокуускай – Аллараа Бэстээх хайысхатынан паромунан айанныыр пассажирдарга билиэт сыаната 122 солк. Оҕолорго (5 – 10 саастаах) 62 солк. Биэс сааһыгар диэри оҕолор босхо айанныыллар.

Сыана тиэхиньикэ ыйааһынынан олохтонор. Ол курдук:

  • таһаҕаһы тиэйэр массыыналарга сыана 405 солк. саҕалаан 1660 солк. диэри.

  • Легковой массыыналарга 340-тан 1275 солк. диэри (ыйааһыныттан көрөн).

  • Пассажирдары таһар оптуобустарга – 1 535 солкуобайтан 2 730 солкуобайга диэри.

  • Матасыыкыл, мотороллер бары көрүҥэ – 170 солк.

  • Контейнер 320 – 3 085 солк.

  • Биир туонна таһаҕас ортотунан 340 солк. быһыллыбыт.

+1
0
+1
0
+1
0
+1
0
+1
0
+1
0
+1
0