Паром тарыыба былырыыҥҥынан хаалла

Бөлөххө киир:
СӨ Тырааныспарын уонна суол хаһаайыстыбатын министиэристибэтин пресс-сулууспатын  кытары сибээскэ тахса сылдьыбыппытыгар, паром тарыыба былырыыҥҥынан   хаалбытын туһунан  иһитиннэрдилэр.
Былырыын Дьокуускай – Аллараа Бэстээх хайысхатынан паромунан айанныыр пассажирдарга билиэт сыаната 122 солк. олохтоммута. Оҕолорго (5 – 10 саастаах) 62 солк.
Сыана тиэхиньикэ ыйааһынынан олохтонор.
Ол курдук: таһаҕаһы тиэйэр массыыналарга сыана 405 солк. саҕалаан 1660 солк. диэри.
Легковой массыыналарга 340-тан 1275 солк. диэри (ыйааһыныттан көрөн).
Пассажирдары таһар оптуобустарга – 1 535 солкуобайтан 2 730 солкуобайга диэри.
Матасыыкыл, мотороллер бары көрүҥэ – 170 солк.
Контейнер 320 – 3 085 солк.
Биир туонна таһаҕас ортотунан 340 солк.
Манна биири бэлиэтээн этэр наадалаах. Таһаҕаһы тиэйээччилэр тарыыптарын бэйэлэрэ олохтууллар. Ол эрээри Сыана бэлиитикэтин судаарыстыбаннай кэмитиэтэ бигэргэппит тарыыптарыттан үрдүө суохтаах. Өскөтүн паром тарыыбын үрдэппит буоллахтарына, Сыана кэмитиэтигэр эрийэн биллэриҥ уонна квитанцияларгытын ууруна сылдьыҥ (эл.почта rek@sakha.gov.ru).

edersaas.ru

+1
0
+1
0
+1
0
+1
0
+1
0
+1
0
+1
0