Паром тарыыба 2016 сыллаахха олохтоммутунан хаалыа

Бөлөххө киир:

Өрүс мууһа турарын саҕана  аҕыйах паром ледокол арыаллаах Жатайтан Төхтүргэ диэри сылдьыаҕа. Тарыып хайдах буолуой? Билиҥҥи туругунан, тарыып хамсыы илик, бу сайыҥҥы сыананан тимир көлөлөрү таһаллар.  СӨ Сыана бэлиитикэтин судаарыстыбаннай кэмитиэтин пресс-сулууспатын кытары сибээскэ тахса сылдьыбыппытыгар,  паром тарыыба 2016 сыллаахха олохтоммут туругунан хаалыа диэн быһаардылар.

Олору кыратык эрэдьиэстээн көрөр буоллахха,  маннык хартыына үөскүүр. Паромунан айанныыр пассажирдарга билиэт сыаната 200 солкуобай, оҕолорго (5 – 10 саастаах) 110 солкуобай буолуоҕа.

Сыана тимир көлө ыйааһынынан олохтонор. Биир туонна таһаҕас 980 солк. быһыллыбыт. Дьоҕус массыыналарга тарыып кинилэр ыйааһыннарынан олохтонор. Холобур, 1,1 туоннаҕа диэри ыйааһыннаахтарга 685 солкуобай, 1,1-тэн 1,5 туоннаҕа диэри 1100 солкуобай, 1,6-тан 2 туоннаҕа диэри 1920 солкуобай, 2-тэн 2,5 туоннаҕа диэри 2485 солкуобай, 2,5-тэн 3 туоннаҕа диэри 2940 солкуобайы ылыахтара.

Таһаҕас тиэйэргэ аналлаах массыыналарга тарыып араас. Газелларга 3450 солкуобай, «ГАЗ” кылаастаахтарга 7870 солкуобай, “ЗИЛ” (бортовойга) 12710 солкуобай, “Урал”, “КАМАЗ”, “МАЗ” (бортовой) көлөлөргө 27365 солкуобай,  прицептээх “Урал”, “КАМАЗ”, “МАЗ” көлөлөргө, ортотунан, 42000 солкуобай тэҥнэһэр. 25-кэ диэри миэстэлээх оптуобус 4420 солкуобайы, оттон 25-тэн элбэх миэстэлээх 6905 солкуобайы, ону тэҥэ, «Икарус” кылаастаах оптуобус 7875 солкуобайы төлөөн, паромунан өрүһү туоруохтара.

Улахан ыйааһыннаах тыраахтардары, бульдозердары туоратыы тарыыба, ортотунан, 20 тыһыынча солкуобайтан 40 тыһ. солкуобайга диэри халбаҥныаҕа.

Манна биири өйдүөххэ наада. Таһаҕаһы тиэйээччилэр тарыыптарын бэйэлэрэ олохтууллар. Ол эрээри, кинилэр  СӨ Сыана бэлиитикэтин судаарыстыбаннай кэмитиэтэ бигэргэппит тарыыптарыттан сыананы үрдүгүнэн  адьас быһыа суохтаахтар.  Өскөтүн тарыыбы үрдэппит буоллахтарына, тустаах кэмитиэккэ эрийэн биллэриэххитин сөп. Саамай сүрүнэ, ону туоһулуур квитанциялаах буолуохтааххыт (эл.почта rek@sakha.gov.ru).

 

+1
0
+1
0
+1
0
+1
0
+1
0
+1
0
+1
0