СӨ Тырааныспарын уонна суол хаһаайыстыбатын министиэристибэтэ Росморречфлот дьаһалыгар олоҕуран, балаҕан ыйын 30 күнүттэн саҕалаан суудуналар сырыыларыгар хааччахтааһын олохтонорун туһунан иһитиннэрдэ.
Өрүстэргэ гидрологическай балаһыанньа туругуттан көрөн, суудуналар сырыыларын болдьоҕор уларыйыылар киириэхтэрин сөп.
Навигация сабыллыытын болдьоҕо:
— Бүлүү өрүс – балаҕан ыйын 30 күнэ,
— Алдан өрүс — алтынньы 12 күнэ,
— Өлүөнэ өрүскэ Алдан өрүс — Дьокуускай учаастагар — алтынньы 16 күнэ,
-Дьокуускай — Сиинэ учаастага – алтынньы 18 күнэ.
Гидрологическай балаһыанньаттан уонна муус туруутуттан көрөн, Өлүөнэҕэ Дьокуускай — Аллараа Бэстээх хайысхатынан паромнар сырыылара быһа холоон алтынньы 16-22 күннэригэр тохтотуллуохтаах.
— Бүлүү өрүһү туорааһын – балаҕан ыйын 30 — алтынньы – 3 күннэрэ;
— Алдан өрүскэ Мэҥэ Алдан — Кэскил туорааһына — алтынньы 14-16 күннэрэ.
edersaas.ru