Паром сарсыҥҥыттан сылдьыаҕа

Бөлөххө киир:

«Өлүөнэтээҕи холбоһуктаах пароходство» ААУо пресс-сулууспата иһитиннэрбитинэн, Жатай – Төхтүр – Жатай хайысхатынан паром сарсыҥҥыттан рейскэ тахсыаҕа.

edersaas.ru

Ол курдук, хас да күн устата ледоколлах паром мууска хам ылларан, бу хайысханан айан-сырыы тохтотулла сылдьыбыта. Билигин пароходство икки кытылы холбуур өрүс суолун  чөлүгэр түһэриигэ үлэлиир. Онон Жатай – Төхтүр – Жатай хайысхатынан сэтинньи 8 күнүттэн айан-сырыы сөргүтүллүө.

Паром сырыытын туһунан иһитиннэриини 8-914-104-29-71; (4112) 40-80-09 эбии+ 13-33, 12-65, 12-66, 12-67 нүөмэрдэргэ эрийэн билсиэххитин сөп.

Ыксаабыт суоппардар паром сырыытын кэтэһэн олорор буолуохтаахтар. Ол эрээри кыра оҕолоох, ыарыһах дьон паромҥа олорсоллоруттан туттунуо этилэр. Билигин пассажирдары таһыыга «Хивус» суудуналар үлэлииллэр.

edersaas.ru

+1
0
+1
0
+1
0
+1
0
+1
0
+1
0
+1
0