Пароходство: Жатай — Төхтүр хайысхатынан айан-сырыы сөргүтүллүө
Жатай — Төхтүр хайысхатынан паром сырыытын чөлүгэр түһэриигэ туох баар күүстэрин ууралларын туһунан «Өлүөнэтээҕи холбоһуктаах пароходство» ААУо пресс-сулууспата иһитиннэрдэ.
edersaas.ru
Сыл ахсын күһүн, кыһыҥҥы суол аһыллыар диэри, пароходство Өлүөнэ өрүһүнэн ледокол арыаллаах парому үлэлэтэр. Сэтинньи 15 — 20 күннэригэр диэри суудунаны сырытыннараллар. Муус туруутун саҕана балаһыанньа кытаатан, суудуналар нэһиилэ айанныыллар.
Сэтинньи 3 күнүгэр киэһээ 10 чааска «Капитан Бабичев» ледокол арыаллаан рейскэ тахсыбыт парома билиҥҥээҥҥэ диэри муус билиэниттэн босхолоно илик.
Ол да буоллар, биир суукка иһинэн, Жатай — Төхтүр хайысхатынан айан-сырыы чөлүгэр түһэриллиэ диэн пароходство пресс-сулууспата иһитиннэрдэ. Ол эрээри сарсыҥҥыны сарсын быһаарыа. Хаайтарбыт паромҥа аны массыыналаах суоппардар олорсуохтара дуо?
Хаартыска: батсааптан.
edersaas.ru