Атырдьах ыйын 13 күнүнээҕи туругунан, «Өлүөнэтээҕи холбоһуктаах пароходствота» туһааннаах ыйга 100,6 тыһ. туонна таһаҕаһы тиэйдэ. Билиҥҥитэ 209 техника үлэлиир.
edersaas.ru
Осетрово пордугар Иркутскайдааҕы ньиэп хампаанньатыгар анаммыт таһаҕаһы тиэйии үлэтэ ыытыллар. Барыллаан туһааннаах таһаҕас бу ый үһүс дэкээдэтигэр кэлиэхтээх. Таһаҕас сороҕо Өлүөхүмэҕэ аҕалылынна. Улахан кээмэйдээх таһаҕаһы таһыыга «СК-2026», «СК-2034» с М-48, «СК-2027», «Ульяна Громова», М-57, «Капитан Каблуков» , М-35, «ОТ-2048», М-21 суудуналар үлэлииллэр.
Атырдьах ыйын 12 күнүттэн Алдан өрүһүнэн айан-сырыы көҥүллэннэ. Санатан эттэххэ, ойуур баһаардарынан сибээстээн манна хааччахтааһын олохтоно сылдьыбыта. Дьабарыкы Хайаҕа СОТ-1135 суудуна Дьааҥыга анаммыт таас чоҕу тиэннэ. Билигин шахтаҕа «Иннокентий Высоких» чугаһаата.
Бүгүн муора учаастагар таас чоҕу тиэммит «Георгий Седов» устар аал кэлэрэ күүтүллэр. Маны таһынан «Ярослав Мудрый» суудуна чугаһаата диэн «Өлүөнэтээҕи холбоһуктаах пароходствота» ПАУо пресс-сулууспата иһитиннэрдэ.
edersaas.ru