Бэс ыйын 10 күнүнээҕи туругунан, «Өлүөнэтээҕи холбоһуктаах пароходство» ПАУо 142 суудуната таһаҕаһы тиэйиигэ-таһыыга үлэлиир.
Нэдиэлэ саҕаланыыта Осетрово пуордугар улахан кээмэйдээх турбалары тиэйии үлэтэ саҕаламмыта. «Аян» теплоход МП-2595 бааржаны кытта 2200 туонна турбаны тиэнэн Ленскэйгэ айаннаата. «Ленанефть-2043» танкер бензини тиэнэн баран эмиэ Ленскэйдээтэ.
Киренскэйгэ тутуу матырыйаалын тиэммит баржалаах «Иван Рябков» теплоход чугаһаата. Билигин Ленскэйгэ «Нюя» теплоход кэлэн турар. Өлүөхүмэҕэ икки баржалаах «Капитан Каблуков» теплоход чугаһаата. «Иннокентий Высоких» суудуна Мохсоҕоллооххо айаннаан иһэр.
Онон навигация саҕаланан, тиэйии-таһыы үлэтэ күнүстэри-түүннэри тохтообот диэн пароходство пресс-сулууспата иһитиннэрдэ.
edersaas.ru
Хаартыска: «Өлүөнэтээҕи холбоһуктаах пароходство» ПАУо