“Паритет” хампаанньа сүрүн бирииһин хаһаайына муораҕа барыаҕа

Дьокуускай куорат тэрилтэтигэр харабылынан үлэлээн баран, биэнсийэҕэ саҥа тахсыбыт Андрей Константинович 55 саастаах. Кини Suzuki Solio   диэн  массыынатын сүүрдүбүтэ уонча сыл буолла. Дьиэтиттэн чугас “Паритет” АЗС-ка уматык куттарарын сөбүлүүр.  Үөрэнэн хаалбыт заправкатыгар баан хаартатынан эбэтэр уматык хаартатынан төлөөтөххүнэ, биир лиитирэтигэр 60 харчы  чэпчэтиилээх диэбиттэрин сэргии истибитэ.  Биэнсийэни да кэмчилииргэ абыраллаах буолсу дии санаабыта.

Ааспыт бээтинсэҕэ билбэт нүөмэриттэн  киниэхэ эрийэн “Паритеттан” сүрүн бирииһи сүүйдүҥ диэбиттэригэр,  көнө сүрүннээх Андрей Константинович итэҕэйбэтэҕэ уонна төлөпүөнү кэргэнигэр ууммута. Эдэр куоластаах киһи кинини бэркэ билэр аадырыһыгар бирииһин ыла кэлэригэр ыҥырбыта. Дьэ, онно эрэ Андрей Константинович ахсынньы ыйга заправкаҕа биир тыһыынчаҕа толору уматык куттубутун саныы биэрбитэ. Кэргэнниилэр соһуйуохтарын иһин, Дьокуускайга үлэлиир “Паритет” хампаанньа филиалын салайааччыта Вячеслав Томилов биэнсийэлээххэ “Гермес Тур” хампаанньаттан 80 тыһыынча солкуобай суумалаах сертификаты туттарбыта. Иккиэн муораҕа сыламныылларыгар бэртээхэй бэлэх диэтэҕиҥ.

Билигин Андрей Константинович астына-дуоһуйа сынньалаҥын былаанныыр. Төрөппүттэрин үөрүүлэриттэн оҕолоро эмиэ сүргэлэрэ көтөҕүлүннэ. Онон кинилэр бары биллэр ааттаах-суоллаах оҥорон таһаарааччылартан туйгун хаачыстыбалаах уматыктарынан хааччыйарын сэргэ клиеннэригэр маннык бэлэхтэри оҥорор “Паритет” өҥөтүнэн туһаналларыгар дьоҥҥо сүбэлииллэр.

2016 сыл ыам ыйыттан “Паритет” АЗС бэйэтин клиеннэригэр бириистээх бонустаах акцияны ыыппыта. Ол курдук, талбыт АЗС-гар бензин куттубут клиент сүүйүүгэ кыттарга купон ылбыта. Бириистэри бастакы оонньотууга Автодорожнайга массыына бөҕө тоҕуоруспута, акцияны дьон олус сэргээбитэ. Бэс ыйыттан акцияҕа Нерюнгри уонна Алдан куораттар кыттыһан, өссө элбэх киһини хаппыта. Акция кэмигэр купоннарынан бэртээхэй бириистэр оонньоммуттара – iPad, смартфоннар, кыһыҥҥы шиналар кэмпилиэктэрэ, эрэһиинэ оҥочолор, хайыһар тэриллэрэ. Түмүктүүр түһүмэххэ “Паритет” үчүгэй эрэ өттүнэн биллэр “Гермес Тур” туроператортан туристическай айаҥҥа иккиэ буолан барарга сертификат оонньоппута. Маны сэргэ сүүйүүлээх оонньууга кыттар клиеннэргэ “Паритет” араас номиналлаах  уматык хаартатын биһирэм бириис быһыытынан туттартаабыта. Акция кэмигэр “Паритет” бирииһин 300-кэ киһи ылбыта. “Паритет” ый аайы Алдан, Нерюнгри уонна Дьокуускай куораттарга 3 тонна уматыгы уматык хаартатынан куппута.

Түмүктүүр түһүмэххэ бириистэри оонньотуу Дьокуускайга, Нерюнгрига уонна Алдаҥҥа олунньу 3 күнүгэр буолан ааспыта. Тираж хамыыһыйатыгар “Паритет” үлэһиттэрэ, ыытааччылар, көмөлөһөөччү оҕолор киирбиттэрэ.  52 кэмпилиэк бириис оонньоммута.

“Паритет” АЗС тиһигэ бары клиеннэригэр көҕүлүүр акцияҕа кыттыбыттарын иһин махтанар. 2017 сылга хампаанньа Саха сирин соҕуруу өттүгэр уонна Дьокуускай куоракка күнтэн күн элбээн иһэр бэйэтин клиеннэрин биһириир ньыматын салгыаҕа. Биһиги бэчээккэ таһаарар матырыйаалларбытын көтүтүмэҥ.