Паралимпиадаҕа боруонса мэтээли ылбыт Степанида Артахинова чиэстэннэ

Бүгүн, балаҕан ыйын 16 күнүгэр,  Ил Дархан Айсен Николаев Токиотааҕы Олимпийскай уонна Паралимпийскай  оонньуулар кыттыылаахтара Айаал Лазаревы, Алена Дмитриеваны, Анастасия Диодорованы уонна  Степанида Артахинованы кытта көрүстэ.

Аҕа баһылык  Паралимпиадаҕа боруонса мэтээли ылбыт  Степанида Артахиноваҕа  3,2 мөл. солк. сэртипикээт туттарда. Маны таһынан, аатырбыт спортсменкаҕа «Саха Өрөспүүбүлүкэтин физическэй култууратын уонна спордун үтүөлээх үлэһитэ» бочуоттаах ааты иҥэрдилэр.

1,6 мөл. солк. сэртипикээти  Степанида Артахинова тириэньэрэ Андрей Иксман ылар чиэскэ тигистэ.

Елена ПОТОЦКАЯ, “Саха сирэ” хаһыат, edersaas.ru