Пааматынньыгы кыраасканан ыспыт киһи сууттанна

Ааптар: 
Бөлөххө киир:

Былырыын күһүн, 2018 сыл балаҕан ыйын 27 күнүгэр Дьокуускай куоракка Киров уулуссатыгар турар Семен Дежневка уонна Абакаядаҕа анаммыт пааматынньыгы кыһыл кыраасканан ыспыттара.

edersaas.ru

СӨ Борокуратууратын пресс-сулууспата иһитиннэрбитинэн, ол киһи кимэ биллэн, бу 28 саастаах буруйдаахха «вандализм» холуобунай ыстатыйанан суут уурааҕа тахсыбыт.

2019 сыл олунньутугар бу дьыаланы бастаан мировой судьуйа көрөн, сууттанааччы оҥорбут буруйун ис сүрэҕиттэн кэмсиммитин иһин, дьыаланы сабарга диэн уураах таһаарбыт.

Дьокуускай куорат борокуратуурата ити уураахха сөбүлэспэккэ, апелляционнай представление киллэрбитин, Дьокуускай куорат федеральнай суута  өйөөбүт.

Инньэ гынан, бу дьыала суукка хаттаан көрүллэн, буруйдаах киһи 10 тыһ. солк. суумалаах ыстараап төлүүргэ ууруллубут.

Бириигэбэр сокуоннай күүһүгэр киирэ илик.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0