Аллайыаха улууһун айылҕата олус кэрэтин, дьиктитин туһунан онно сылдьыбыт дьон хойукка диэри кэпсээн оҥостоллор.
Ожогино күөлэ Чокуурдаахтан 250 км тэйиччи сытар. Кыһыҥҥы кэмҥэ “буранынан” син балачча уһуннук айаннаан тиийэллэр. Тимир көлөлөрө хайдаҕыттан тутулуктааҕа чахчы.
Бу улуу эбэ иэнинэн Саха сиригэр үһүс миэстэлээх күөлүнэн биллэр. Уонна өрөспүүбүлүкэ суолталаах эркээйи сир (ресурсный резерват) диэн ааттанар. Онон күөлгэ балыктыыр булгуччу бобуулаах. Оттон күөл тулатынааҕы тыаҕа бултуур сирдэр бэриллибиттэрэ.
Соторутааҕыта кыыл-сүөл суолун кыһыҥҥы ааҕыы кэмигэр Ожогиноҕа баран кэлбит Иван Рожин этэринэн, быйыл күөл мууһа 80-ча см халыҥнаах. Күөл үрдүгэр хаар халыҥа – 45-50 см.
Бэлэмнээтэ Женни Стрюкова
Хаартысканы Иван Рожин ыытта. Сергей Константинов түһэриитэ.