Ил Дархан тэлээбиисэринэн быһа сибээс кэмигэр өрөөспүүбүлүкэҕэ оттооһун хаамыытын билиһиннэрдэ.
“Ууга эмсэҕэлээбит улуустарга, биллэн турар, көмөнү оҥоруохпут. Бу – Дьааҥы, Кэбээйи улуустара, манан туспа быһаарыылар ылыныллыбыттара. Оту миэстэтигэр бэлэмнииргэ көҕүлүүбүт. Тоҕо диэтэххэ, бу икки улуус тырааныспарка схемата уустук. Бастатан туран, Дьааҥы улууһугар. Атын эрэгийиэннэри эппэккэ туран, аттынааҕы даҕаны улуустартан тиэрдэр ыарахаттардаах. Ол иһин миэстэтигэр бэлэмнэммит туоннаҕа чааһынай хаһаайыстыбаларга 5-тии тыһ. солк., тэрилтэлээх хаһаайыстыбаларга, потребительскай кээпэрэтииптэргэ 7,5 тыһ. солк. диэри туонна аайы үп көрөр туһунан СӨ Тыатын хаһаайыстыбатын министиэристибэтэ быһаарбыта”, — диэн эттэ.
Ону тэҥэ, туһааннаах министиэристибэ улуустары кытта миэстэтигэр үлэлэһэ олорорун, көмө быһыытынан комбикорм тиэрдиллиэҕин эттэ.
Ону сэргэ, курааннаан от үүммэтэх, аһыҥа өрө турбут улуустара баалларын ыйар, холобур, Чурапчы улууһа.
“Күннэтэ оттооһун хаамыытын кэтээн көрөбүн. Онтон сирдэттэххэ, былырыыҥҥы кыраапыктан кыратык эрэ хаалан иһэбит. Элбэх улуус окко хойутуу киирдэ. Ньурба, Сунтаар, Мэҥэ Хаҥалас, Нам улуустарын оттооһуннара былырыыҥҥытааҕар лаппа үчүгэй”, — диэн бэлиэтээтэ.
“Саха сирэ” хаһыат, edersaas.ru
Хаартыска: СИАтан.