Сүрүн Тыа хаһаайыстыбата

Оту атын эрэгийиэнтэн аҕалыыга уларытыы киирдэ

Быйыл сайын курааннаан уонна ойуур баһаардара тураннар, кыстыыр отторун кыайан хааччымматах улуустарга оту өрөспүүбүлүкэ таһыттан аҕаларга быһаарыллыбыта.

edersaas.ru

Ол эрээри дойду сорох субьектарыгар, ол иһигэр Амурга уонна Забайкальеҕа Африкатааҕы сибиинньэ чумата турбута бэлиэтэнэн, бу эрэгийиэннэртэн оту атыылаһыыга кэккэ хааччахтар киллэриллэр буоллулар. Бу туһунан бүгүн ыытыллыбыт брифиҥҥэ Бырабыыталыстыба бэрэссэдээтэлин солбуйааччы Михаил Никифоров иһитиннэрдэ.

– Былааннарын 80 % толорбут улуустарга от атын эрэгийиэнтэн аҕалыллыа суоҕа. Кинилэргэ оту улуус иһиттэн уонна атын улуустартан хааччыйарга үлэ ыытыллыаҕа, – диэтэ кини.

Онон өрөспүүбүлүкэ таһыттан от кураантан ордук эмсэҕэлээбит Чурапчы, Томпо уонна Уус Алдан улуустарыгар аҕалыллыаҕа диэн Ил Дархан уонна Бырабыыталыстыба дьаһалтатын пресс-сулууспата иһитиннэрэр.

Раиса Сибирякова, «Саха сирэ» хаһыат, edersaas.ru

Мария Васильева (СИА) хаартыскаҕа түһэриитэ

1
0
Telegram @edersaas20