Уопсастыба

Оттук сезонугар бэлэм — 90%

Балаҕан ыйын 2 күнүгэр СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников өрөспүүбүлүкэҕэ 2021-2022 сылларга  оттук сезонугар бэлэмнэнии боппуруоһунан куйаар ситиминэн мунньахтаата.

СӨ ОДьКХ уонна энергетикэ миниистирин солбуйааччы Дмитрий Шувалов иһитиннэрбитинэн, өрөспүүбүлүкэ үрдүнэн билиҥҥи туругунан 1018 хочуолунай бэлэм (87 %). Бэлэмнэнии үлэлэр штатнай эрэсииминэн бараллар, билиҥҥи туругунан өрөспүүбүлүкэҕэ эбийиэктэр 90% оттук сезонугар бэлэмнэр.
2021 сылга уматыгы тиэйии 514 тыһ. тн. тэҥ. Итинтэн  382 тыһ. тн (78%) тиэллибит. Ол иһигэр чоххо былаанынан 351 тыһ. тн. 273 тыһ.тн. (77 %) тиэллибит. Дизельнэй уматык 75 тыһ тн. былаантан – 56 тыһ. тн. (75 %), ньиэпкэ – 37 тыһ. тн – 24 тыһ. тн (73 %), газоконденсакка 12 тыһ. тн. – 14 тыһ. тн (116 %) тиэллибит. Тиэйии-таһыы үлэтин 2021 сыл алтынньы ыйга диэри бүтэрэр былааннаахтар.
Оттук сезона өрөспүүбүлүкэ 36 оройуонуттан 16-гар саҕаламмыт. 20 оройуоҥҥа ититиини балаҕан ыйын 10 күнүгэр диэри биэрэр былааннаахтар.
Дмитрий Садовников хочуолунайдары бэлэмнээһин үлэтин күүһүрдэргэ, бары эбийиэктэргэ болдьоммут күннэргэ сылааһы биэриини хааччыйарга соруйда.
0
0