Кыстыкка бэлэмнэнии үлэтэ былааннаахтык ыытыллар. СӨ ОДьКХ уонна энергетикэ миниистирин бастакы солбуйааччы Виктор Романов бэлиэтээбитинэн, оттук сезонугар бэлэм — 83%.
«Саха» НКИХ «Сонуннарыгар» иһитиннэрбиттэринэн, бүгүҥҥү күҥҥэ 913 хочуолунайы, 3 тыһыынчаттан тахса сылааһы биэрэ ситими, 122 км уһуннаах уу турбатын, 566 км канализацияны сөргүтэн, үлэҕэ киллэриэхтэрэ.
Бу сылга оттугу тиэйии-таһыы былаана — 514 тыһыынча туонна. Бүгүҥҥү күҥҥэ 65%-на таһылынна. Энергетическэй ресурсалары алтынньы бүтэһигэр диэри миэстэтигэр тиэрдэр сорук турар.
Бу күннэргэ сылааһы кэккэ улуустарга номнуо биэрдилэр. Ол курдук, атырдьах 8 күнүттэн Аллайыахаҕа, атырдьах ыйын 15 күнүттэн Анаабырга, бу күннэргэ Булуҥ уонна Аллараа Халыма улуустарыгар холбоотулар. Кыстыкка бэлэмнэниини бырабыыталыстыба хонтуруолга тутар.
Елена ПОТОЦКАЯ, “Саха сирэ” хаһыат.
Хаартыска: СИА.