Тыа хаһаайыстыбатын министиэристибэтэ быйыл кыһын, кулун тутар 4 күнүгэр, «2021 сылга сааскы ыһыы үлэтин уонна сүөһү аһылыгын бэлэмнээһин үлэтин тэрийэн ыытыы миэрэлэрин туһунан» диэн дьаһалы таһаарбыта.
Ол чэрчитинэн, өрөспүүбүлүкэ үрдүнэн бас билии көрүҥүттэн тутулуга суох бары хаһаайыстыбаларга баар 231 тыһ. 117 ынах сүөһүнү уонна 228 тыһ. 87 сылгыны кыстатарга быйыл сайын 474 тыһ. 482 туонна от, 26 тыһ. 867 туонна сенаж уонна 14 тыһ. 766 туонна сиилэс бэлэмнэниэхтээх.
Элбэх сүөһүлээх-сылгылаах улуустар былааннара улахан. Холобур, Мэҥэ Хаҥалас улууһа 42 тыһ. 698 туонна оту хааччыннаҕына, сүөһүтүн-сылгытын талбаата суох кыстатыахтаах. Бу курдук Сунтаар улууһа 39 тыһ. 135, Таатта 35 тыһ. 656, Чурапчы 34 тыһ. 478, Ньурба 33 тыһ. 359, Уус Алдан 32 тыһ. 805, Хаҥалас 32 тыһ. 606, Нам 32 тыһ. 446, Амма 30 тыһ. 410, Бүлүү 29 тыһ. 431, Үөһээ Бүлүү 25 тыһ. 909, Кэбээйи 18 тыһ. 420, Өлүөхүмэ 16 тыһ. 798, Горнай 16 тыһ. 564, Дьокуускай куорат хаһаайыстыбалара 10 тыһ. 648 туоннаны оттуур былааннаахтар.
Хотугу улуустары көрдөххө, Дьааҥы улууһа 8 тыһ. 685, Томпо улууһа 7 тыһ. 303, Орто Халыма улууһа 5 тыһ. 571, Уус Маайа улууһа 3 тыһ. 730, Өймөкөөн улууһа 2 тыһ. 324, Мииринэй улууһа 200 тыһ. туоннаны оттуохтаахтар.
Раиса Сибирякова, «Саха сирэ» edersaas.ru