СӨ ситэриилээх былааһын ааспыт сыллааҕы үлэтин отчуота бүгүн, олунньу 6 күнүгэр, «Саха» НКИХ, «Якутия 24» телеханаалларынан ыытылынна. Отчуоту СӨ Бырабыыталыстыбатын бастакы вице-премьерэ Кирилл Бычков иилээн-саҕалаан ыытта.
Балтараа чаас кэриҥэ ыытыллыбыт отчуокка өрөспүүбүлүкэ олохтоохторуттан уопсайа 132 боппуруос киирдэ. Ордук нэһилиэнньэни хаарбах туруктаах дьиэлэртэн көһөрүү, социальнай көмө, үлэнэн хааччыллыы боппуруостара долгутар.
Отчуокка СӨ экономика миниистирэ Майя Данилова, тутуу миниистирэ Павел Кылатчанов, бырамыысыланнас уонна геология миниистирэ Максим Терещенко, нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлэ Елена Калашникова, СӨ Ил Дархаҥҥа архитектураҕа уонна куораты тутууга управление салайааччыта Ирина Алексеева, уо.д.а. кыттыыны ыллылар.
edersaas.ru