Арассыыйа бырабыыталыстыбатын бэрэссэдээтэлэ Дмитрий Медведев бу туһунан 50 №-дээх ыйаахха тохсунньу 28 күнүгэр илии баттаата.
edersaas.ru
Кэнники кэмҥэ сорох оҥорон таһаарааччылар туһаныллар болдьоҕун уһатаары итиэннэ бэйэҕэ турар сыанатын намтатаары, үүттэн оҥоһуллар аска-үөлгэ (үүккэ, арыыга, кефиргэ, сүөгэйгэ (сметана) о.д.а.) үүнээйиттэн ылыллар арыыны тутталлар, ол эрээри ол туһунан ыйбаттар эбит. Ити иһин, ыйаах үүттэн оҥоһуллубут аһылык маҕаһыыннарга уонна эргиэн кииннэригэр бородууксуйа атын көрүҥнэриттэн туспа туруорулларын итиэннэ үүт сыатын солбуйар бородууктата суоҕун туһунан арыаллыыр суруктаах буоларын ирдээтэ. Ыйаах күүһүгэр 2019 сыл от ыйын 1 күнүттэн киириэҕэ диэн Арассыыйа Тыатын хаһаайыстыбатын министиэристибэтин пресс-киинэ иһитиннэрэр.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1