Доруобуйа Маны аах

От ыйын 24 күнүттэн «COVID-free» зонаҕа сылдьарга QR-коду көрдөрөр ирдэниэҕэ

Саха Өрөспүүбүлүкэтигэр пандемиянан сибээстэммит хааччахтааһын дьаһаллара атырдьах ыйын 30 күнүгэр диэри уһатыллалларын туһунан Ил Дархан ыйааҕа тахсыбыта.

Уопсастыбаннай сирдэргэ сылдьыы быраабылаларыгар кэккэ уларыйыылар  киирдилэр. Ол курдук, «COVID-free» зоналар испииһэктэригэр киирбит тэрилтэлэргэ сылдьыыга, вакцинаны ылбыт дьон уонна ПЦР биитэр ИХА анаалыстарын түмүгэ «отрицательнай» (72 чаас иһигэр) буоллаҕына, харыстанар маасканы уонна социальнай дистанцияны тутуһуулара ирдэниэ суоҕа.

От ыйын 24 күнүттэн гражданнар «COVID-free» зонаҕа сылдьарга QR-кодтарын  көрдөрөр буолуохтара. Бу QR-кодтары «Госуслуги.Стопкоронавирус» судаарыстыаннай уонна муниципальнай өҥөлөр биир кэлим порталларын нөҥүө ылыллар. Гражданнар ПЦР биитэр ИХА анаалыстарын түмүгэ «отрицательнай» буоларын бэрэбиэркэлиэхтээх тэрилтэлэр гражданнар көрдөрбүт QR-кодтарын «Госуслуги.Стопкоронавирус» портал нөҥүө эмиэ көрүөхтэрэ диэн Ил Дархан уонна Бырабыыталыстыба пресс-сулууспата иһитиннэрэр.

Раиса Сибирякова, «Саха сирэ» хаһыат, edersaas.ru

0
1