Маны аах Уопсастыба

«От-2022» — хаартысканан кэпсээн

“Саха сирэ” хаһыат уонна “Эдэр саас сайт Саха АССР 100 сылынан, Өрөспүүбүлүкэҕэ Ийэ сылынан, күүстээх от үлэтин үгэнинэн, моой отчуттарга анаан “БУКА БАРЫ — ОККО, ОККО!” диэн хаартысканан күөн күрэһи биллэрбитэ.

edersaas.ru

Хаартыскалар киирэ тураллар.

Бу субурҕа бугуллартан  «От-2022»  диэн бугул суруктаах хаартысканы Сунтаар улууһун Күндэйэ сэлиэнньэтиттэн Анна Егорова ыытта.

Анна Владимировна биһиэхэ иһитиннэрбитинэн, Харыйалаах Эбэ диэн оттуур сирдэриттэн  сыл аайы өлгөм оту ылаллар. Быйыл да отторо хойуутук үүнэн, бугуллара бэйэ-бэйэлэриттэн олус чугас туруоруллубуттар. Ол да иһин,  күөн күрэскэ “От-2022” диэн  суругу таһаарыахха диэн сүбэлэһэ түһээт, эдэркээн эрчимнээх уолаттар начаас икки ардыгар маннык киһи хараҕын үөрдэр хартыынаны оҥорбуттар.

Владимир Михайлович Львов  оҕолорунуун,  сиэннэриниин от күргүөмнээх үлэтигэр сылдьаллар.  “Өссө да элбэҕи оттуохпут, билиҥҥитэ сирбит аҥаарын эрэ оттоотубут”, — диэн өссө да күүстээх үлэ күүтэрин туһунан этэллэр.

Надежда ЕГОРОВА, «Саха сирэ», edersaas.ru

 

12
0
Telegram Whatsapp