А.Е.Кулаковскай аатынан норуоттар доҕордоһууларын дьиэтэ Саҥа дьылынан «PreОбражение» хаартыскаҕа түһэр сири тэрийдэ.
Манна эһиэхэ анаан кыһыл көмүс табалардаах кыһыҥҥы ойуур, араас өҥнөөх уотунан күлүмнүү оонньуур бульвар, остуоруйа дьиэтэ, оттуллубут көмүлүөктээх ыалдьыт хоһо күүтэллэр. Эһигини манна дьикти-кэрэ, алыптаах остуоруйа дойдута ыҥырар, угуйар.
Долгуйа күүтэр Саҥа дьылбыт бырааһынньыгар бэлэмнэнии түбүгэр сылдьан, умнуллубат түгэни хайдах оҥоруохха сөбүй диэн дьон толкуйга түһэр. Маныаха, А.Е.Кулаковскай аатынан норуоттар доҕордоһууларын дьиэтигэр дьиэ кэргэҥҥитин, доҕотторгутун кытары кэлэн хаартыскаҕа түһэргитигэр ыҥыраллар.
Саҥа дьыллааҕы хаартыскаҕа анаан түһэр сир Дьокуускай куорат киинигэр тохсунньу ортотугар диэри үлэлиир.
А.Е.Кулаковскай аатынан норуоттар доҕордоһууларын дьиэтин пресс-сулууспата