Маны аах Уопсастыба

Оскуоланы бүтэрэр тэрээһин — онлайн!

Өрөспүүбүлүкэ оскуолаларын быйыл бүтэрээччилэр тэрээһиннэрэ онлайн киэбинэн ыытыллыытын, ыам ыйын 30 күнүгэр, «Саха» НКИХ быһа биэриитигэр көрүөххэ сөп. Бу туһунан  «Якутия 24» телеханаал иһитиннэрдэ.

Оскуоланы бүтэрээччилэр кылаастарын туһунан видео устан, онно оҕолор былааннарын кэпсээн, үөрэх дьыла түмүктэммитинэн истиҥ эҕэрдэлэрин тиэрдэллэр.

Онлайн-выпускнойга кыттыан баҕалаахтар видеонан ролигы ыам ыйын 27 күнүгэр диэри nvk_vypusk2021@mail.ru электроннай почтаҕа ыытаҕыт. Ролик уһуна үс мүнүүтэҕэ диэри, видео хаачыстыбата Full HD, видео сытыары уһуллубут буолуохтаах, оскуолаҕытын, кылааскытын ыйаҕыт.

Оскуоланы бүтэрии долгутуулаах тэрээһинэ онлайн-киэбинэн «Саха» НКИХ быһа биэриитигэр иккис төгүлүн ыытыллар. Бу курдук былырыын, 2020 сыллаахха, коронавирус дьаҥыттан сылтаан ыытыллыбыта. Былырыыҥҥы көрдөрүүгэ барыта 150 сайаапка киирбитэ.

Якутия24

Хаартыска Якутия24

0
0