Маны аах Үөрэх уонна наука

Оскуоланы бүтэрээччилэр искибиэрдэригэр бэлэх оҥордулар

Н.Е.Мординов-Амма Аччыгыйын аатынан үөрэхтээһин холбоһугар тиһэх чуораан чугдаарда.

edersaas.ru

Бастаан алын сүһүөх кылааһы бүтэрээччилэри чиэстээтибит, онтон ортоку сүһүөҕү түмүктүүр тохсустарга эксээмэннэригэр ситиһиилэри баҕардыбыт.

Онтон быйыл бүтэрэр сэттэ выпусникпытыгар алгыс тылын бастыҥа ананна, үчүгэй үөрэхтэрин, нэһилиэк олоҕор көхтөөх кыттыыларын бэлиэтээн, араас  тэрилтэ кэлэктииптэрэ хайҕал суруктары, бэлэхтэри туттардылар.

Бүгүҥҥү үөрүүбүтүн 50 сыллаахха оскуоланы бүтэрбит дьон кэлэн  эҕэрдэлээн өссө үрдэттилэр. Кинилэр оскуоланы бүтэрээччилэр искибиэрдэрин оҥорон,  бэртээхэй ыскамыайканы бэлэхтээтилэр. Ону таһынан бииргэ үөрэммит дьүөгэлэрин кэриэстээн, кини  сиэнигэр быйыл бүтэрэр Максим  Ксенофонтовка харчынан истипиэндьийэлэрин туттардылар.

Эҕэрдэ тылы  Петр Петрович Старостин, Лидия Михайловна Карпова эттилэр. Аҕам  саастаах дьоммутугар улахан махталбытын тиэрдэбит, этэҥҥэ эрэ буолуҥ диэн алгыыбыт!

Оттон оҕолорбутугар бүгүн этиллибит үтүө санаалар куруук араҥаччылыы сырыттыннар, эксээмэннэрин ситиһиилээхтик туттардыннар диэн баҕа санаабытын тиэрдэбит!

«Саха сирэ»,  edersaas.ru анаан Валентина КРИВОШАПКИНА  (Харбалаах)

 

1
0
Telegram @edersaas20