Суолталаах Үөрэх уонна наука

Оскуолалары тутууга федеральнай бүддьүөттэн эбии 333 мөл. солк. көрүллүөҕэ

Бэрт сотору балаҕан ыйын 1 күнэ буолан, үөрэх дьыла саҕаланан оскуолалар ааннарын тэлэччи аһыахтара. Саха сиригэр үөрэх кыһаларын тутууга федеральнай бүддьүөттэн  эбии 333,8 мөл. солк. тыырыллыаҕа. 

Санатар  буоллахха, ааспыт нэдиэлэ саҥатыгар РФ премьер-миниистирэ  Михаил Мишустин Саха сиригэр оробуочай сырыытынан кэлэ сырыттаҕына, Ил Дархан Айсен Николаев социальнай инфраструктураны сайыннарыыга үп өттүнэн өйүүрүгэр туруорсубута.  Уус Алдан Бороҕонугар 450 миэстэлээх, Кэбээйи улууһун Сайылыгар 275 миэстэлээх уонна Сунтаар сэлиэнньэтигэр 450 миэстэлээх оскуолалары тутууга эбии  үп федеральнай бүддьүөттэн көрүллэр буолла. РФ Бырабыыталыстыбата тутуу матырыйаала уонна оборудованиелар сыаналара үрдээбитинэн сибээстээн, «Үөрэхтээһин» национальнай бырайыак чэрчитинэн тутуллар эбийиэктэргэ эбии үбү көрөргө быһаарыы ылыммыта. Манна сөптөөх дьаһалга РФ Бырабыыталыстыбатын бэрэссэдээтэлэ Михаил Мишустин атырдьах ыйын 19 күнүгэр илии баттаабыта.

 

 

0
0
Telegram Whatsapp