Маны аах Үөрэх уонна наука

Оскуолаларга Саҥа сыл бырааһынньыктара саҕаланнылар

Бу күннэргэ өрөспүүбүлүкэ улуустарын оскуолаларыгар Саҥа сыллааҕы үөрүүлээх  тэрээһиннэр саҕаланнылар.

Аҕыйах хонуктааҕыта Дьокуускай куорат үөрэҕин управлениетын бирикээһэ тахсыбыта. Онно олоҕуран, Саҥа сыллааҕы (дьыллааҕы) бырааһынньыктары, тэрээһиннэри санитарнай-эпидемиологическай ирдэбили тутуһан, бастатан туран, биирдии кылаастарынан (бөлөхтөрүнэн) тус-туспа, иккиһинэн, үөрэх тэрилтэлэригэр атын дьоно (төрөппүттэрэ, хаартыскаҕа түһэрээччитэ, аниматордара, уо.д.а.) суох ыытарга диэн ыйыллыбыта. Ону таһынан, бырааһынньык кэнниттэн тэрийээччилэр дезинфекция оҥоруохтаахтар уонна сууйуохтаахтар-сотуохтаахтар. Бырааһынньыктааҕы тэрээһин киэһэ 20 чаастан уһуо суохтаах.

Санатан эттэххэ, бу нэдиэлэҕэ Дьокуускай куорат үгүс кылаастарын үөрэнээччилэрэ тымныынан сибээстээн дьиэттэн үөрэнэ сылдьаллар. Онон Саҥа сыллааҕы (дьыллааҕы) үөрүүлээх бырааһынньык оскуолаларга ыытылла илик.

 

“Саха сирэ” хаһыат, edersaas.ru

Хаартыска: goodhouse.ru

0
1
Telegram @edersaas20