Ил Дархан Анал этиитигэр быйыл уон оскуола, тоҕус оҕо саада тутуллубутун эттэ.
Үтүө үгэс хайа да бэйэлээх ыарахаттары силэйэн салҕанар диэтэ. Быйыл 10 оскуола тутуллан үлэҕэ киирбит. Үүнэр 2021 сылга өссө 12-тэн итэҕэһэ суох оскуола тутуллара былааннанар диэтэ. Кырачааннарга бу сылга тоҕус оҕо саада тутуллан аанын арыйбыт. Эһиил 15 саад тутуллуохтаах.
Быйыл Арктическай оскуола аһылынна. Сотору Наука Аччыгый академиятын саҥа үөрэнэр куорпуһа үлэҕэ киириэҕэ. «Полярная звезда» оҕолор сынньанар уонна доруобуйаларын чэбдигирдинэр кииннэрэ тутуллар. Улуустарга уонна куораттарга оҕолорго технопаркалар, айти-кииннэр, оҕону сайыннарарга туһуламмыт атын инновационнай кииннэр аһыллаллар.
Орто үөрэхтэр кампустара тутуллуохтаах боппуруоһугар Ил Дархан эмиэ тохтоото. Бу орто анал үөрэхтээһин хаачыстыбатын күүһүрдэрин сэргэ, эргиччи болҕомто улаатарын эттэ. Өссө биирэ элбэх орто анал үөрэх кыһалара барыта биир сиргэ түмүллэллэр. Бу орто анал үөрэхтээһиҥҥэ эрэ буолбакка, бүтүн өрөспүүбүлүкэ сайдыытыгар улахан туһалаах буолуоҕун туһунан ыйыллан турар.