Кыра дохуоттаах дьиэ кэргэттэргэ үөрэх дьылын саҕаланыыта оҕо таҥаһын атыылаһарга көмө көрүллэр.
edersaas.ru
Хас биирдии үөрэнэр оҕоҕо 3629 солкуобайы 18 саастарын туола илик үстэн элбэх оҕолоох ыаллар ылыахтарын сөп. Улахан оҕолоро күнүскү үөрэххэ үөрэнэр, эбэтэр сулууспалыыр буоллаҕына, 23 сааһыгар диэри элбэх оҕолоохторго киирсэллэр. Бу харчынан оскуолаҕа кэтиллэр форманы, спортивнай уонна да атын наадалаах таҥаһы атыылаһыахха сөп.
Дьиэ кэргэн дохуота хас биирдии чилиэнигэр тиксэринэн, өрөспүүбүлүкэҕэ олохтоммут тиийинэн олоруу алын кээмэйиттэн намыһах буоллаҕына, бу көмөнү ылар кыахтаахтар. Ону тэҥэ, оҕону иитэ ылбыт ыаллар эмиэ хапсаллар.
Бу төлөбүрү ыларга социальнай көмүскэл управлениетыгар, эбэтэр e-yakutia.ru портал нөҥүө сайабылыанньа биэриэххэ наада.
Ирдэнэр докумуоннара:
пааспар (куоппуйатын кытта);
оҕо төрөөбүтүн, эбэтэр иитэ ылыллыбытын туһунан сибидиэтэлистибэ (куоппуйатын кытта);
кэргэннии буолуу туһунан сибидиэтэлистибэ (куоппуйатын кытта);
төрөппүттэр 12 ыйдаах дохуоттарын бигэргэтэр ыспыраапка;
оҕо үөрэнэрин туһунан ыспыраапка;
счет, баан реквизиттэрэ.
2020 сылга бу төлөбүргэ 120 мөлүйүөн солкуобай көрүллүбүтэ.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.