![](https://edersaas.ru/wp-content/uploads/2017/09/Albina-Bolshakova-2.jpg)
Дьокуускай куорат 5 №-дээх оскуолатын үөрэнээччитэ Альбина Большакова 64 харахтаах дуобакка аан дойду чөмпүйүөнэ буолбутун туһунан Дьокуускай куораттааҕы үөрэх управлениета иһитиннэрэр. Альбина бэһис кылаастан ыла 64 харахтаах дуобакка түргэн оонньууга өрөспүүбүлүкэ, дойду таһымнаах күрэхтэһиилэргэ өрүү миэстэлэһэр.
edersaas.ru
![](https://edersaas.ru/wp-content/uploads/2017/09/Albina-Bolshakova.jpg)
Ол курдук, 2015 сыллаахха ыытыллыбыт “Таманский полуостров — 2015” диэн Бүтүн Арассыыйатааҕы иккис турнирга дьахталлар ортолоругар, быйыл Арассыыйаҕа, салгыы Европаҕа биирдиилээн бастыыр иһин күрэхтэһиилэргэ түргэн оонньууга кыайыылаах үрдүк аатын ылбыта. Ити түмүгэр, Альбина дойду сүүмэрдэммит хамаандатыгар киирбитэ. Атырдьах ыйыгар аан дойду кубогар кыттан, эмиэ кыайыы көтөллөөх кэлбитэ.
Оттон 2001-2003 сыллаахха төрөөбүт оҕолор ортолоругар аан дойдуга биирдиилээн бастыыр иһин күрэхтэһиигэ чаҕылҕанныы оонньууга бастакы итиэннэ дьахталлар ортолоругар аан дойду чөмпүйэнээтигэр хамаанданан иккис миэстэлэри ылла.
Манна эбэн эттэххэ, Альбинаны сэргэ Прокопий Говоров уонна Алена Большакова туһааннааҕынан 2007-2008, 2004-2006 сылларга төрөөбүт оҕолор ортолоругар эмиэ бастакы миэстэни ыллылар. Кэскиллээх дуобатчыттарга Ил Дархан Егор Борисов бэйэтин эҕэрдэтин тута тэлэгирээмэнэн тиэрдибитэ.
“Саха сирэ” хаһыат, edersaas.ru