Үөрэнээччилэргэ бэриллэр көмө харчыга сайабылыанньаны биэрии уһатылынна

Бу күһүҥҥүттэн оскуолаҕа үөрэнэр оҕолордоох төрөппүттэргэ  биир кэмнээх көмө харчыны биэрэн саҕалаабыттара.

Биэнсийэ пуондатын Саха сиринээҕи салаата иһитиннэрбитинэн, биир кэмнээх төлөбүрү ылыы иһин сайабылыанньаны биэрии  алтынньы 31 күнүгэр диэри уһатылынна. Санатар буоллахха, оскуолаҕа үөрэнэр саастаах оҕолорго үөрэх саҥа дьылын көрсө 10-нуу тыһ. солк. биэрэр туһунан РФ Бэрэсидьиэнин  Ыйааҕа  тахсыбыта. Алтынньы 25 күнүнээҕи туругунан,  Саха сиригэр 176 тыһ. оҕоҕо анаан 116 тыһыынча төрөппүт анал төлөбүрү ылбыт. Онон ыла иликтэр сайабылыанньаны биэрэргэ тиэтэйиҥ.