Оскуола өрөмүөнүгэр анаан федеральнай бүддьүөттэн эбии үп

Ааптар: 
Бөлөххө киир:

Саха сирэ оскуола өрөмүөнүгэр анаан федеральнай бүддьүөттэн эбии үп ылара билиннэ. 19 улууска уонна киин куоракка 46 оскуоланы өрөмүөннүүргэ  Үөрэҕирии министиэристибэтиттэн 2023 сылга субсидия көрүллүөҕэ.

Өрөмүөҥҥэ талыллыбыт оскуолалар:  Абый, Булуҥ, Үөһээ Дьааҥы, Горнай, Эдьигээн, Ленскэй, Мэҥэ Хаҥалас, Томпо, Нам, Ньурба, Өлүөхүмэ, Өлөөн, Орто Халыма, Сунтаар, Хаҥалас, Уус Алдан улуустара  уонна Дьокуускай   куорат. Саха сирин баһылыга Айсен Николаев этэринэн, оскуола хапытаалынай  өрөмүөнүн бырагыраамата материальнай-техническэй инфраструктураны бөҕөргөтүү уонна үөрэх тэрилтэлэрин модернизациялааһын сүҥкэн суолталаах бырайыагынан буолар.

Эрдэ биллэринэн, 2022-2023 сылларга Саха сиригэр 2,889 млрд солк. 25 муниципальнай тэриллиилэргэ уонна уокуруктарга 58 оскуоланы өрөмүөннүүргэ үп көрүллүбүтэ.

Онон эбии субсидияны учуоттаан, өрөспүүбүлүкэ 104 оскуолатыгар өрөмүөн  ыытыллыаҕа.

edersaas.ru

+1
0
+1
0
+1
0
+1
0
+1
0
+1
0
+1
0