Ленскэй оройуонун Пеледуй бөһүөлэгэр иэдээн таҕыста — үөрэнээччи үөрэнээччини өлөрдө.
РФ Силиэстийэлиир кэмитиэтин Саха сиринээҕи управлениета иһитиннэрбитинэн, бу дьыл тохсунньу 4 күнүгэр 16 саастаах үс уол арыгы испит. Биир уолларын дьиэтигэр.
Ол олорон, ахсыс кылааска үөрэнэр уол уонна тохсус кылааһы бүтэрбит уол кыыһырсан турбуттар, устунан охсуспуттар.
Табаарыстара охсуһа сырыттахтарына, үһүс уол көмө көрдүү сүүрбүт. Ол баран, аҕа саастаах аймаҕа киһини илдьэ кэлбитэ — ахсыс кылаас оҕото номнуо өлбүт — түөһүгэр үстэ быһаҕынан анньыллыбыт…
Уорбаланааччы быһылаан сириттэн төһө да куоппутун иһин, аҕыйах мүнүүтэнэн кинини туппуттар.
Тутуллубут уол буруйун сороҕун эрэ билиммит, «быһаҕынан биирдэ эрэ анньыбытым» диэн көрдөрүү биэрбит.
Тохсунньу 7 күнүгэр уорбаланааччы силиэстийэлиир изоляторга хаайылынна.
Бу чахчынан «киһини соруйан өлөрүү» ыстатыйанан холуобунай дьыала тэрилиннэ.
Биһиги корр., «Саха сирэ» хаһыат, edersaas.ru
Хаартыска: РФ СК Саха сиринээҕи управлениета