Оскуола оҕолоро байыаннай тиэхиньикэлэри  оҥордулар

Бөлөххө киир:

Улуу Кыайыы 75 сылын көрсө Таатта улууһун Туора Күөл бибилэтикэтин көҕүлээһининэн оскуола оҕолоругар байыаннай тиэхиньикэни оҥоруу куонкуруһа буолла. Оҕолор төһө сатабыллаахтара, уустара, киэҥ фантазиялара дьэ, манна көһүннэ. Хордуонтан, мастан, о.д.а матырыйааллартан байыаннай тиэхиньикэ арааһа оҥоһулунна.

edersaas.ru

Ол курдук, «Мин инженернэй көрүүбэр – саҥа тиэхиньикэ», “Сэрии сылларын тиэхиньикэтин бэйэм илиибинэн” уонна  “Баар матырыйаалтан бастыҥы ” диэн ааттарга түмүктэр таҕыстылар.

1-кы кылаас үөрэнээччилэрэ Тимур Эляков уонна Толя Захаров, Айсен Васильев  «ЯК – 3» уонна “Лагг-3», «Т-34» байыаннай тааҥканы уонна кыдыйааччы сөмөлүөттэри оҥорбуттара биһирэннэ. Маны таһынан алын сүһүөх кылаас оҕолоро араас байыаннай тиэхиньикэлэри оҥорон оскуола мусуойун кэккэтигэр бэйэлэрин сэмэй кылааттарын киллэрдилэр.

Ульяна ЗАХАРОВА, edersaas.ru

+1
0
+1
0
+1
0
+1
0
+1
0
+1
0
+1
0