Намҥа улуустааҕы үөрэх управлениетын дьиэтигэр «Кырачаанар уйан эйгэлэрин харыстаан…» («Оберегая хрупкий мир малышей…») диэн кинигэ сүрэхтэниитин бэлиэ тэрээһинэ буолбут.
Бу туһунан улуус дьаһалтатын пресс-сулууспата иһитиннэрэр. Кинигэҕэ 1930 сылтан, улууска оскуола иннинээҕи үөрэхтээһин тэриллиэҕиттэн, күн бүгүнүгэр диэри үлэ-хамнас хайдах сайдан кэлбитэ сиһилии суруллубут. «Оскуола иннинээҕи үөрэхтээһин сайдыытын туһугар», «Хас биирдии оҕо саада – үөрүү, ситиһии дьиэтэ», «Үлэлээбит үтүөлэрэ умнуллубат» диэн бастартан турар, 100 экземплярынан бэчээттэммит диэн пресс-сулууспа бэлиэтиир.
Долгутуулаах, үөрүүлээх тэрээһиҥҥэ кинигэ ааптардара, оҕону иитиигэ-үөрэтиигэ өр сылларга бэриниилээхтик үлэлээбит бэтэрээн уһуйааччылар, уһуйааннарга билигин үлэлии сылдьааччылар кыттыбыттар. Куйаар ситиминэн улуус уһуйааннара кыттыыны ылбыттар.
+1
+1
+1
+1
+1
+1
+1