Уопсастыба

“Оскуола бастыҥ остолобуойа” куонкуруска сайаапканы ылыы түмүктэнэн эрэр

Ханнык остолобуойга оҕолору ордук минньигэстик аһаталларый? Оскуола остолобуойун бастыҥ асчыта кимий? Бу ыйытыыга хоруйдары быйыл кэтэхтэн ыытыллар “Оскуола бастыҥ остолобуойа” диэн өрөспүүбүлүкэтээҕи бастакы куонкурус түмүгэр билиэхпит.

edersaas.ru

Куонкуруһу СӨ Үөрэҕин уонна наукатын министиэристибэтэ, СӨ Роспотребнадзорун упаравлениета, “Бэс Чагда” оҕону сынньатар уонна чэбдигирдэр киин  тэрийэн ыыталлар.

Куонкуруска ыстааһыттан, сааһыттан тутулуга суох оскуола остолобуойун ханнык баҕарар үлэһитэ кыттар кыахтаах.

Кыттааччылар 2020 сыл сэтинньи 20 күнүгэр диэри sakhapit@mail.ru электроннай почтаҕа маннык матырыйааллары ыыталлара ирдэнэр:

  1. Кыттар киһи туһунан билиһиннэриилээх куонкуруска кыттыы сайаапката.
  2. “Биһиги оскуолабыт остолобуойа” диэн 5 мүнүүтэттэн уһуна суох презентация.
  3. Куонкуруска кыттар киһи портфолиота.

Кыайыылаахтары икки номинациянан быһаарыахтара: “Куорат оскуолатын бастыҥ остолобуойа”, “Тыа сирин бастыҥ остолобуойа”.

Куонкурус усулуобуйатын сиһилии “Бэс Чагда” оҕону сынньатар, чэбдигирдэр киин саайтыгар https://sosnovybor-ykt.ru/polozhenie-o-provedenii-respublikanskogo-konkursa-luchshaya-shkolnaya-stolovaya/  көрүөххүтүн сөп.

edersaas.ru

Хаартыска: «Бэс Чагда» киин саайтыттан.

1
0

Добавить комментарий