Маны аах Эдэр саас

Оскуола бастыҥ үлэлээх мусуойун таларга куоластааҥ!

Саха сирин оскуолаларын мусуойдарын көхтөөх кыттааччылара Арассыыйатааҕы куонкуруска видеонан экскурсиялары оҥорон кытыннылар.
Аны, билигин үөрэх кыһаларын мусуойдарын сырдатар «Культурный маршрут» диэн видеонан экскурсиялары ким баҕарар «Школьного Музея Победы» саайтынан киирэн көрөр кыахтанна. Манна Саха Өрөспүүбүлүкэтиттэн үс үөрэх кыһатыттан кытыннылар.
«Оскуолалар мусуойдарын көхтөөх кыттааччыларын кытта педагогтар Арассыыйа историятыгар бэлиэ дааталарынан, өйгө-сүрэххэ иҥмит умнуллубат түгэннэринэн, устуоруйаҕа киирбит уһулуччулаах дьон тустарынан, дойдубут эрэгийиэннэринэн өбүгэ саҕаттан хаалбыт үгэстэринэн видеонан экскурсиялары оҥорон ыыталларыгар этии киллэриллибитэ. Бу үөрэнээччилэри дойдубут дириҥ устуоруйатын чугастык биллэрэр-көрдөрөр сыаллаах-соруктаах тэриллибитэ«, — диир Кыайыы мусуойун оҕолорго киинин салайар Елена Слесаренко.
Бэчинчэттэн Егор Мыреев аатынан орто оскуолаттан «Спорт и красота, рядом идут» үлэнэн кытыннылар. (https://schoolvictorymuseum.ru/konkursy/vserossiyskiy-konkurs-muzeev-obrazovatelnykh-organizatsiy-kulturnyy-marshrut/sport-i-krasota-ryadom-idut/), Витим оскуолата «Далекая и чудесная окраина России — 100-летие автономии Республики Саха» видеонан экскурсиялаах. (https://www.schoolvictorymuseum.ru/konkursy/vserossiyskiy-konkurs-muzeev-obrazovatelnykh-organizatsiy-kulturnyy-marshrut/dalekaya-i-chudesnaya-okraina-rossii-100-letie-avtonomii-respubliki-sakha/), Иван Михайлович Павлов аатынан Чурапчы орто оскуолата  мусуой эспэнээттэрин үйэлэргэ тутан илдьэ кэлбит ытык өйдөбүллэрин туһунан сырдаттылар. (https://schoolvictorymuseum.ru/konkursy/vserossiyskiy-konkurs-muzeev-obrazovatelnykh-organizatsiy-kulturnyy-marshrut/dukhovnaya-tsennost-muzeynykh-eksponatov/).
Күөн күрэскэ РФ 75 эрэгийиэниттэн үөрэх кыһалара кытыннылар. Бу педагогтар уонна оскуола мусуойун көхтөөх кыттааччылара — үөрэнээччилэр, барыта 4 000 тахса кыттааччы.
Бэс ыйын 30 күнүттэн алтынньы 1  күнүгэр диэри куонкурус иитинэн «Школьный Музей Победы» www.schoolvictorymuseum.ru аһаҕас онлайн-куоластааһын ыытыллар. Бары хамаандалар «Көрөөччү биһирэбилэ» иһин киирсэллэр.
Киирэн көрүҥ, сэргээҥ, куоластааҥ!
Мария Котомина,
«Кыайыы мусуойа» ФГБУК уопсастыбаннаһы кытары сибээскэ исписэлииһэ
0
0
Telegram Whatsapp